Newsroom

❤️🤍

FCP 1 – Serie wiiterfüehre

🗓️Heimspiel gäge Zollike - än Sieg zum d'Siegesserie und s'Ufstiegsränne wiiterfüehre:
Am Muettertagssunntig, 11. Mai 2025 zu de gwohnte Zyt am 11i ufem Barzloo möcht Eusi 1. Mannschaft ihri beiidruckendi Serie fortsetze. 

🔥 Mitem Sieg am leschte Samschtig in Herrliberg hat s'Team vom Kurt Kobel de 6. Sieg i de Rückrundi gfiired und s'7ti wämmer d Vorrundi dezue nimmt. Die Formstärchi laht Euses Eis de erscht Verfolger vo Wald sii.
Nach wie vor überzüügt d'Defensive: s'4te Spiel in Folg zu-Null gspielt! Ä gschlosseni Mannschaftsleischtig, wo de Star klar ufblitze laht: s'TEAM! 

⚔️Euse Gascht us Zollike hingäge hät am letschte Spieltag ä Niederlag müesse hineh, wo de Abstand zu de Tabelläspitze sehr gross hät werde lah. Aktuell befindet sich s Team us Zollike uf Platz 7 (10 Pünkt hinder Pfäffike, aber äs Spiel weniger). Ob da no äs Comeback chunt? 

🔁 Rückblick Vorrundespiel: I de Vorrundi isch s Spiel 1:1 usgange, det hät de FCP chli Chance uslah zum de Sack zumache. 

📊 Usgangslag: Im hütige Spiel, wird Pfäffike wieder d’Favoriterolle iineh und d'Feschtig Barzloo wiiterhin zu sim Riich mache! Doch ufpasst uf Zollike, wo immer für än Überraschig guet isch und jetzt gar nüt meh z'verlüre hät! 

Äs erwatet Eus wieder än packendi und interessanti Partie!!

Chömed is Barzloo und unterstützed s Team!!

🔴⚪🔴 HOPP FCP 🔴⚪️🔴