Newsroom

FCP 1 – Next Stop: Herrliberg!

🗓️ Nöchschti Stop uf de Reis im Uufstiegsränne: Samschtig, 3. Mai 2025 – Startschuss 18:00 findet s’nöchschte Spiel vo Eusem FCP 1 statt. Äs staht s’Uswärtsspiel in Herrliberg aa, än Gägner wo d’Pfäffiker uswärts wieder mal müend knacke! Herrliberg brucht Pünkt gäg de Abstieg und Euses Eis wott wieter im Uustiegsränne bleibe – äs wird äs packendi Begägnig!

🔥 D’Form-/Siegeskurve von Eusem Eis isch atemberaubend, vor allem nachem Derbysieg vom letschte Sunntig gäge Wetzike: 5 vo 5 Spiel i de Rückrundi gunne, Siegesserie vo 6 Spiel inklusiv s’letschte Vorrundespiel gäg Fehraltorf. Rückrundezahle: 13:4 isch s Torverhältnis, 7 verschiedeni Torschütze und die letschte 3 Spiel zu Null gspielt! Gnau de Schwung und die Liechtigkeit mitneh zum Seeklub und mitere gschlossene Mannschaftsleischtig de Sieg erlange.

⚔️Herrliberg isch nach wie vor am Strich und brucht dringendst Pünkt im Abstiegskampf. Letscht Sunntig händs de Tabelleleader Wald beschäftig, gar in Füehrig gsi. S’Spiel isch verloregange, die erscht Niederlag gsi i der Rückrundi nach 2 Sieg und 1 Remis.

🔁 Rückblick Vorrundespiel: I de Vorrundi hät de FCP 2:0 gunne, hät aber i de erschte Halbziit chli uf Granit bisse und de d Chance nöd chöne verwerte.

📊 Usgangslag: D’Favoriterolle isch gemäss Tabälle vergäh, doch äs gilt de Gastgeber us Herrliberg nöd z’unterschätze und mitere wiitere gschlossene Mannschaftsleischtig versueche de Sieg vom Langacker mithei z’neh! Äs erwatet Eus än intensivi und packendi Partie!

Chömed alli uf Herrliberg und unterstützed Euses Eis am Spielfäldrand!!  

🔴⚪🔴 HOPP FCP 🔴⚪️🔴